taifaleo.nation.co.ke
@taifaleo Sat, 03 Oct 2026 03:55:19
Chivayo alivyozozania magari, nyumba, mabilioni na mkewe wa kwanza
UHUSIANO wa mfanyabiashara Wicknell Chivayo na mkewe wa kwanza, Sonja Louise Madzikanda, ulivunjika mwanzoni mwa 2024 na kugeuka kuwa mzozo mkubwa wa mamilioni ya pesa kortini. Madzikanda, mwenye umri wa miaka 34 na mama wa watoto wawili wa Chivayo, alitangaza kutengana na mumewe huku akiwasilisha kesi kuhusu mali ya mamilioni ya dola, magari ya kifahari na haki ya kuwaona watoto wao. Stakabadhi za kesi katika Mahakama Kuu zinaonyesha kuwa Madzikanda alidai malipo ya Sh3.2 bilioni, matunzo ya kila mwezi ya Sh5.1 milioni na Sh130 milioni kila mwaka kwa likizo na burudani. Pia alitaka apewe malezi kamili ya watoto wao wawili huku Chivayo akipewa muda mdogo wa kuwaona. Chivayo naye aliwasilisha kesi ya dharura akitaka kuruhusiwa kuwaona watoto, akidai Madzikanda alikuwa "akimnyima fursa ya kuwaona" licha ya juhudi zake za kutatua mzozo huo kwa amani. Wawili hao walifunga ndoa ya kitamaduni Julai 2017 na wana watoto wawili walio chini ya miaka 10. Katika taarifa yake kortini, Madzikanda alisema ndoa hiyo ilikuwa imevunjika kabisa, akitaja madai ya uzinzi, unyanyasaji wa kihisia na kutelekezwa. Hata hivyo, Aprili mwaka huu, Mahakama Kuu ya Zimbabwe iliidhinisha makubaliano yaliyofikiwa na wawili hao, ambapo Chivayo alikubali kulipa Sh649 milioni kwa matunzo ya watoto wao. Kati ya fedha hizo, Sh285 milioni zilikuwa tayari zimelipwa, huku salio la Sh363 milioni likipaswa kulipwa ndani ya siku 30. Fedha hizo ziliwekwa katika akaunti ya benki iliyodhibitiwa na Madzikanda. Lengo lilikuwa fedha hizo ziwekezwe na kuzalisha faida itakayogharamia mahitaji ya watoto baadaye. Kwa miezi 12 ya kwanza, Chivayo alitakiwa kuendelea kugharamia maisha ya watoto huku Madzikanda akiunda hazina hiyo. Baada ya hapo, gharama hiyo ingelipwa kutokana na faida ya uwekezaji. Lakini makubaliano hayo hayakumaliza mzozo mpana kuhusu utajiri wa Chivayo. Madzikanda alikuwa amedai mali kadhaa ikiwemo nyumba Zimbabwe na Afrika Kusini, magari ya kifahari na maslahi katika biashara zinazohusishwa na Chivayo. Magari yaliyotajwa ni Rolls-Royce Spectre, Rolls-Royce Ghost mbili, Rolls-Royce Phantom, Range Rover, Mercedes-Benz V-Class na Mercedes-Benz Maybach. Pia alitaja ndege ya kibinafsi na kampuni zikiwemo Intratek, WMC Trading, IMC Communications, Trintas Petroleum na Eldo. Mali aliyodai ilijumuisha ardhi Gletwyn, nyumba katika Rikitayi Villas, Ballantyne Park, Harare, na nyumba katika DaVinci Suites, Sandton, Johannesburg. Aidha, alitaka watoto wahakikishiwe elimu, matibabu na mahitaji yao mengine, pamoja na bajeti ya dola milioni moja kila mwaka kwa likizo na burudani. Kilichoidhinishwa na mahakama ni mpango wa Sh649 milioni kwa matunzo na uwekezaji wa watoto. Madzikanda pia alibaki na watoto, huku Chivayo akipewa nafasi ya kuwa nao kwa wiki moja kamili kila mwezi, wikendi na likizo za umma kwa zamu. Katika wiki ya kuwaona, Chivayo alitakiwa kuwepo mwenyewe na hakuruhusiwa kukabidhi majukumu yake ya mzazi kwa watu wengine. Mzozo huo ulikuwa bado mahakamani wakati Chivayo na mkewe wa pili walipofariki katika ajali ya helikopta Jumatano usiku. Pia kulikuwa na mvutano kuhusu uhalali wa ndoa yao ya kitamaduni. Madzikanda alisema ndoa hiyo ilithibitishwa na malipo ya mahari na hivyo alikuwa na haki ya kudai sehemu ya mali iliyopatikana wakati wa ndoa. Hata hivyo, mawakili wa Chivayo walidai ndoa hiyo haikuwa imesajiliwa rasmi na hivyo Madzikanda hakuwa na haki ya baadhi ya madai yake. Mawakili hao pia walidai Madzikanda alikuwa amemaliza uhusiano huo alipompa Chivayo gupuro Februari 2024. Katika mila za Kishona, gupuro ni ishara inayotolewa mbele ya mashahidi au familia kuashiria kuvunjika kwa ndoa. Madzikanda alipinga hoja hiyo akisema uhusiano huo haukuweza kuvunjwa kwa kitendo hicho pekee na kwamba mahakama ilipaswa kuamua. Juni 2026, Chivayo alijaribu kuondoa madai ya mali na mali nyingine kutoka kwa kesi hiyo, lakini Mahakama Kuu ilikataa ombi lake na kumtaka alipe gharama ya kesi. Jaji Fatima Maxwell alisema Chivayo alikuwa tayari amekubali kumlipa Madzikanda Sh649 milioni na kwamba makubaliano waliyotia saini yaliacha suala la kuvunjwa kwa ndoa yao liamuliwe katika kesi kuu. Kabla ya mzozo huo, Madzikanda alikuwa mhasibu mjini Harare, aliwahi kufanya kazi katika kampuni ya Ernst Young na alikuwa na shughuli zake za kibiashara. Haijulikani wawili hao walikutana vipi. Tangu kifo cha Chivayo Jumatano, Madzikanda hajatoa taarifa yoyote ya umma iliyothibitishwa kuhusu kifo chake.
read more
taifaleo.nation.co.ke
@taifaleo Sat, 03 Oct 2026 02:55:54
Jinsi Sifuna anavyopata presha kuhusu chama atakachotumia kuwania urais 2027
VUGUVUGU la kisiasa la Linda Mwananchi linaloongozwa na Seneta wa Nairobi, Edwin Sifuna, limepata afueni baada ya Msajili wa Vyama vya Kisiasa kuidhinisha jina la chama hicho kwa muda wa siku 90. Hata hivyo, hatua hiyo imeibua changamoto mpya za kisiasa na kiutawala ambazo zinaweza kuchelewesha uzinduzi wa chama hicho. Msajili wa Vyama vya Kisiasa alitoa kibali hicho kufuatia uamuzi wa Jopo la Kutatua Migogoro ya Vyama vya Kisiasa ulioagiza ombi la Linda Mwananchi Movement (LLM) kupitiwa upya. Uamuzi huo ulijiri siku chache kabla ya tarehe ambayo viongozi wa vuguvugu hilo walikuwa wametaja kuzindua rasmi chama chao. Seneta wa Vihiga, Godfrey Osotsi, ambaye ni mmoja wa viongozi wa Linda Mwananchi, hakuthibitisha tarehe mpya ya uzinduzi na kusema wananchi wataarifiwa kwa wakati ufaao. Lakini kibali hicho kimefungua mjadala mkubwa kuhusu mwelekeo wa kisiasa wa kundi hilo. Swali kuu ni iwapo Bw Sifuna atatumia Linda Mwananchi kama chama kipya kabisa au atachukua moja ya vyama ambavyo washirika wake wamesajili kama njia mbadala. Kwa muda, viongozi wa kundi hilo walikuwa wakichunguza uwezekano wa kutumia vyama vilivyosajiliwa tayari baada ya jina la Linda Mwananchi kukataliwa hapo awali. Mojawapo ni United Democratic Party (UDP), chama kilichohusishwa na marehemu Cyrus Jirongo na ambacho kina uhusiano na Gavana wa Trans Nzoia George Natembeya. Hata hivyo, mpango huo umekwama kutokana na pingamizi kutoka kwa baadhi ya maafisa wa chama hicho waliopinga mabadiliko ya uongozi na mipango ya kukigeuza kuwa chombo cha kisiasa cha Bw Sifuna katika uchaguzi mkuu wa 2027. Mahakama pia ilizuia kwa muda hatua ya kutangaza kiongozi mpya au mgombea urais kupitia chama hicho. Wadadisi wa siasa sasa wanasema Bw Sifuna analazimika kuamua haraka ikiwa ataendelea kujenga Linda Mwananchi kama chama kipya au kuachana na mchakato huo na kutumia mojawapo ya vyama vilivyopo. Changamoto nyingine ni kwamba viongozi mbalimbali wa chama hicho tayari wamepata vyama vyao binafsi. Mbunge wa Embakasi Mashariki Babu Owino ana chama cha Mwananchi Party, Mbunge wa Saboti Caleb Amisi ameanzisha People's Renaissance Movement, huku Seneta wa Kakamega Boni Khalwale akiwa na United Patriotic Movement (UPM) kilichosajiliwa kikamilifu. Kwa upande mwingine, Gavana wa Siaya James Orengo amechukua uongozi wa Liberal Democratic Party (LDP), chama chenye historia kubwa ya kisiasa nchini kutokana na uhusiano wake wa zamani na Raila Odinga. Kuibuka kwa vyama hivi kumefanya hali kuwa tata zaidi. Wachambuzi wanasema viongozi hao lazima waamue ikiwa vyama vyao vitasalia huru, vitaungana chini ya mwavuli mmoja au vitakuwa washirika katika muungano wa kisiasa kuelekea uchaguzi mkuu wa 2027. Sheria ya vyama vya kisiasa pia inaweka masharti magumu kwa chama kipya kusajiliwa kikamilifu. Mbali na kupata usajili wa muda, chama lazima kiwe na wanachama wasiopungua wapigakura 1,000 katika zaidi ya nusu ya kaunti za Kenya, pamoja na kuonyesha uwakilishi wa kikabila, kijinsia na makundi maalum. Vuguvugu hilo pia linakabiliwa na muda mfupi wa kutimiza masharti hayo kwani jina la Linda Mwananchi limehifadhiwa kwa siku 90 pekee. Wakati huohuo, madai ya umiliki wa jina hilo bado yanaendelea. Charles Wanyonyi amedai kuwa aliomba kusajili chama chenye jina la Linda Mwananchi Party of Kenya mapema zaidi kuliko kundi la Bw Sifuna na ametaka ombi lake kupewa kipaumbele. Mbali na suala la chama, kundi hilo pia linakabiliwa na changamoto ya uongozi. Hivi majuzi viongozi wake walimteua Bw Sifuna kuwa mgombea wao wa urais, lakini Bw Orengo, ambaye pia alikuwa ametangaza kuwania tiketi hiyo, hakuhudhuria mkutano huo. Hatua yake ya kuchukua LDP imezua maswali kuhusu mustakabali wa Linda Mwananchi. Wengine wanahisi kuwa chama hicho kinaweza kuwa jukwaa kuu la Bw Sifuna, huku wengine wakiamini vuguvugu hilo litaishia kuwa muungano wa vyama kadhaa vinavyounganishwa na lengo la kisiasa la pamoja. Kwa sasa, ushindi wa kisheria wa kupata jina la Linda Mwananchi umeondoa kikwazo kimoja pekee. Changamoto kubwa inayomkabili Bw Sifuna na washirika wake ni kuamua ni mfumo upi wa kisiasa utakaounganisha maslahi ya viongozi ambao tayari wanaanza kujijengea vyama vyao kuelekea uchaguzi wa 2027.
read more
kahawatungu.com
@kahawatungu Fri, 02 Oct 2026 20:46:37
More than 5,000 people killed or injured in Haiti due to gang violence this year, UN says
More than 5,700 people have been killed or injured by gangs or during operations against them between 1 January and 11 September 2026, the United Nations has said. UN High Commissioner for Human Rights Volker Türk added that more than 230 people have also been kidnapped. An estimated 1,000 women and girls have been raped [...] The post More than 5,000 people killed or injured in Haiti due to gang violence this year, UN says appeared first on Kahawatungu.
read morekahawatungu.com
@kahawatungu Fri, 02 Oct 2026 20:49:29
Man City confirm appeal against guilty verdict
Manchester City have confirmed they have lodged an appeal after an independent commission found the club guilty of all charges relating to breaches of the Premier Leagues financial regulations. In a short statement, the club said the commissions ruling contained clear material errors, of law, principle and fact and is unsafe. Asserting its innocence, the [...] The post Man City confirm appeal against guilty verdict appeared first on Kahawatungu.
read morekahawatungu.com
@kahawatungu Fri, 02 Oct 2026 20:58:38
Seven Chinese nationals arrested after 120 rounds of ammunition recovered in Nairobi
Seven Chinese nationals were arrested after detectives recovered 120 rounds of 9mm ammunition during an intelligence-led operation at a shooting range in Nairobi. The seven were arrested by Directorate of Criminal Investigations (DCI) officers at the Jockey Club Shooting Range within Ngong Race Course on Friday, October 2, 2026. Police identified those arrested as Du [...] The post Seven Chinese nationals arrested after 120 rounds of ammunition recovered in Nairobi appeared first on Kahawatungu.
read morekahawatungu.com
@kahawatungu Fri, 02 Oct 2026 21:07:26
Standard Group condemns protest at Mombasa Road offices
The Standard Group condemned a protest outside its Nairobi premises along Mombasa Road on Friday, accusing a group of youths of harassing its staff and threatening media freedom. The protest was staged by a group who claimed the media house was biased in its work. In a statement issued on Friday, October 2, 2026, the [...] The post Standard Group condemns protest at Mombasa Road offices appeared first on Kahawatungu.
read morekahawatungu.com
@kahawatungu Fri, 02 Oct 2026 21:14:53
Five dead, three rescued after gold mine collapses in West Pokot
At least five people died after a gold mine collapsed in Longorokomol Larga, Pokot North Sub-County, West Pokot County. The incident occurred on Friday, October 2, 2026, police said. According to police, the mine caved in and buried several people who were inside the site. Five bodies had been retrieved by the time of the [...] The post Five dead, three rescued after gold mine collapses in West Pokot appeared first on Kahawatungu.
read more
kenyanews.go.ke
@kna Fri, 02 Oct 2026 19:32:39
Police allowed one week to detain three terrorist suspects pending investigations
A Lamu court has allowed police to detain three men for seven days as investigators probe their alleged role in helping 55 people from Lamu East Sub-County cross into Somalia to join the Al-Shabaab terror group. Lamu Principal Magistrate Peter Wasike issued the custodial order today following an application by the Directorate of Criminal Investigations (DCI)...
read more
Right Column Content