taifaleo.nation.co.ke
@taifaleo Sat, 10 Oct 2026 04:55:54
Sifuna asema amekuwa na maadui wengi tangu Raila aage dunia 2025
SENETA wa Nairobi, Edwin Sifuna, amesema kifo cha aliyekuwa waziri mkuu Raila Odinga kimebadilisha maisha yake kisiasa na kibinafsi, akilazimika kuwa mwangalifu zaidi kuhusu usalama wake, anakoenda na hata chakula na vinywaji anavyotumia. Sifuna, ambaye anamchukulia Raila kama mlezi, mshauri na mlinzi wake wa kisiasa kwa zaidi ya miaka 10, alisema sasa anakabiliwa na majukumu mazito ya kuongoza vuguvugu lake huku kukiwa na mzozo ndani ya ODM na kutokuwa na uhakika kuhusu mustakabali wake wa kisiasa. Akizungumza katika kikao na wanahabari jijini Nairobi Ijumaa, Oktoba 9, seneta huyo alisema anahisi pengo kubwa tangu kiongozi huyo wa muda mrefu wa ODM afariki. "Binafsi, namkosa mshauri wangu," alisema Sifuna. Alisema Raila alipokuwa hai, wanachama wa ODM walijua kuwa masuala magumu yalipoibuka, kiongozi huyo angeweza kuingilia kati na kutoa mwelekeo. "Baba alipokuwepo, mzigo wa uwajibikaji haukuwa mzito kama ulivyo sasa kwa sababu tulijua hata kunapokuwa na masuala magumu ndani ya chama, si wewe pekee uliyetakiwa kufanya uamuzi," alisema. Aliongeza kuwa Raila angewaambia waache suala tata kwake alishughulikie. "Sasa ni wewe. Unatarajiwa kutoa mwelekeo kwa chama," alisema. Sifuna alisema amekuwa akijaribu kupatanisha makundi hasimu ndani ya ODM, hata kwa kuhudhuria mikutano katika makazi ya viongozi wa chama. Hata hivyo, juhudi hizo hazikuzuia kuondolewa kwake katika wadhifa wa katibu mkuu. Mzozo huo ulitokana na tofauti kuhusu mwelekeo wa chama na uhusiano wake na utawala wa Rais William Ruto. Sifuna na washirika wake wanataka ODM idumishe utambulisho wake wa kisiasa badala ya kufifia ndani ya mpango wa ushirikiano na serikali. Mnamo Septemba, Baraza la Kutatua Migogoro ya Vyama vya Kisiasa liliunga mkono kuondolewa kwake baada ya hatua mpya za kinidhamu. Chama kilimlaumu kwa kukiuka misimamo rasmi na kujihusisha na shughuli za kisiasa bila idhini, madai aliyokataa. Sifuna, ambaye ni kiongozi wa vuguvugu la Linda Mwananchi, alisema kuachana na ODM ni jambo gumu kihisia kwa sababu amekuwa mwanachama wa chama hicho na mfuasi wa Raila kwa muda mrefu. "Kwa kweli, huu ni wakati wenye hisia nyingi kwangu, lakini maisha yangu yote nimejua chama kimoja cha kisiasa na kiongozi mmoja," alisema. Alitania kuwa ana fulana nyingi za rangi ya machungwa nyumbani na hajui atazifanyia nini. Alisema Raila alimkinga mara kwa mara alipokabiliwa na madai ya kuondolewa katika wadhifa wa katibu mkuu, aliohudumu kwa miaka minane. Kwa mujibu wa Sifuna, Raila aliamini viongozi vijana wanapaswa kuruhusiwa kueleza maoni yao, hata pale lugha yao ilipokuwa kali au kuwakwaza viongozi wengine. Bila ulinzi huo wa kisiasa, Sifuna sasa anasema analazimika kutetea misimamo yake huku akikabiliana na matokeo ya maamuzi yake. Pia amekuwa mwangalifu zaidi kuhusu usalama wake. "Unahitaji kuwa mwangalifu zaidi kuhusu unakoenda, unachokula na unachokunywa," alisema. Alisimulia tukio ambapo mmoja wa wafanyakazi wake alimletea chupa ya maji wakati wa shughuli ya umma, lakini baadhi ya watu waliokuwa kwenye umati, ambao hawakumfahamu mwanamke huyo, nusura wamvamie. Sifuna alisema tukio hilo lilionyesha hali ya wasiwasi inayomzunguka na umuhimu wa watu walio karibu naye kutambulika kwa wafuasi wake. Hata hivyo, hakutoa ushahidi huru unaomhusisha mtu yeyote na njama ya kumdhuru. Licha ya changamoto hizo, alisema ametiwa moyo na mapokezi ambayo timu yake imepata katika maeneo yanayohusishwa na ODM. Alisema siku za mwanzo zilikuwa ngumu kwa sababu kundi lake lilikabiliwa na matusi na kukosolewa, lakini sasa wanataka kuendelea kueleza msimamo wao kwa wananchi. Kuhusu mipango yake ya 2027, Sifuna alisema anataka kujenga uongozi unaozingatia mahitaji ya wananchi na unaosikiliza maoni ya wataalamu. Alikiri kuwa hana majibu ya kila suala, hasa katika uchumi na taaluma nyingine maalumu. "Mimi ni wakili," alisema, akisisitiza kuwa nchi inahitaji viongozi wanaoweza kusikiliza wataalamu na kutumia mapendekezo yao kufanya maamuzi. Sifuna pia alisema hana kinyongo binafsi na waliotofautiana naye ndani ya ODM. "Nimewasamehe wote walionitukana au kuniita majina. Hayo yamepita," alisema.
read moretaifaleo.nation.co.ke
@taifaleo Sat, 10 Oct 2026 03:55:31
Anayeshukiwa kuongoza genge lililotibua mkutano wa Sifuna Homa Bay anyakwa
POLISI wamemkamata Kassim Abdi Sebo, anayeshukiwa kuongoza genge lililolaumiwa kutekeleza wizi kabla ya mkutano wa Linda Mwananchi uliofanyika Homa Bay Agosti 16. Abdi alikamatwa Alhamisi usiku pamoja na wanaume wengine saba wanaodaiwa kuwazuia maafisa wa Idara ya Upelelezi wa Jinai (DCI) kutekeleza majukumu yao. Maafisa waliokuwa wamejihami na kufunika nyuso zao walimzingira Abdi katika kituo cha mabasi cha Homa Bay mjini. Amekuwa akitoroka polisi tangu mahakama ya Homa Bay ilipotoa kibali cha kukamatwa kwake Agosti 14, baada ya maafisa kuandaa mashtaka kadhaa. Ripoti ya OB inaonyesha mashtaka hayo yanahusu madai ya kushambulia mtu na kumjeruhi kinyume na Kifungu cha 251 cha Sheria ya Adhabu. Kamanda wa DCI kaunti ya Homa Bay, Jimmy Kisobo, alisema Abdi anakabiliwa na mashtaka matatu huku uchunguzi ukiendelea na huenda yakaongezwa. "Kuna kesi nyingine nyingi tunazochunguza kutokana na yaliyotokea. Tukipata ushahidi wa kutosha kuthibitisha kuhusika kwa Abdi, tutamshtaki pia kwa makosa hayo. Kwa sasa, tayari tuna kesi tatu dhidi yake" alisema. Kisobo alisema Abdi anahusishwa na visa vya vurugu vilivyoripotiwa katika kaunti hiyo kabla ya mkutano wa Seneta wa Nairobi Edwin Sifuna. Abdi analaumiwa kuhusika katika wizi wa kutumia nguvu baada ya kundi la vijana kudaiwa kuvamia Hoteli ya Tourist na kuiba mali. "Kundi hilo hilo lilichoma mkahawa ulio Koduogo na kuwanyanyasa watu waliokuwa hapo wakipata chakula," alisema Kisobo. Alisema mshukiwa pia anatuhumiwa kuwatuma vijana wanaomuunga mkono kuchoma vibanda na kuharibu magari katika eneo hilo. Watu kadhaa waliripotiwa kushambuliwa katika mkahawa huo. Abdi alikamatwa Alhamisi usiku baada ya kukwepa majaribio kadhaa ya polisi ya kumtia mbaroni. "Tulikuwa tukimtafuta na kwa bahati nzuri, jana usiku tulimpata mjini na kumkamata pamoja na wengine saba waliowazuia polisi kutekeleza majukumu yao kisheria," alisema Kisobo. Baada ya kukamatwa kwa Abdi, vijana wanaomuunga mkono walizua ghasia, kupora biashara mjini na kufunga barabara. Vijana hao waliendelea na vitendo hivyo Ijumaa asubuhi. "Ninawaomba wakome wanachofanya. Wanavunja sheria," alisema Kisobo. Kamanda huyo wa DCI alionya kuwa wote wanaojihusisha na vitendo vya kuvunja sheria mjini watakamatwa.. Washukiwa saba waliokamatwa pamoja na Abdi ni Achiando Victor Odhiambo, 26; Isaac Masika Muliro, 30; Oyege Moses Geoffrey, 27; Geoffrey Njore, 25; Odhiambo Wesley Arnold, 26; Joseph Kobila, 28; na Alfred Nyagiro Aliwa, 26.
read more
taifaleo.nation.co.ke
@taifaleo Sat, 10 Oct 2026 02:55:43
El-Nino: Ruto akejeli na kutilia shaka utabiri wa hali ya hewa nchini
RAIS William Ruto ameeleza kutoridhishwa na utabiri wa hali ya hewa nchini, akizua mjadala kuhusu uwezo wa wataalamu kutabiri kwa usahihi wakati ambao mvua kubwa ya El Niño itaanza. Akizungumza Alhamisi, Oktoba 8, katika kongamano la Kilimo na Utoshelevu wa Chakula katika uwanja wa Jamhuri, Nairobi, Rais alisema muda wa kuanza kwa mvua hiyo umekuwa ukibadilishwa mara kwa mara. "Wale wanaohusika walituambia mvua itanyesha Agosti, lakini ikaahirishwa hadi Septemba, sasa ni Oktoba," alisema. Aliongeza: "Kusubiri mvua hii ni kama kubahatisha. Hujui itanyesha lini," alisema. "Tunasubiri El Niño, lakini hatujui itafika lini." Hii si mara ya kwanza kwa Dkt Ruto kuhoji utabiri wa Mamlaka ya Hali ya Hewa Kenya (KMSA). Mnamo Oktoba 2023, alitilia shaka tahadhari kuhusu El Niño iliyokuwa ikitarajiwa kusababisha mafuriko makubwa. Wakati huo, aliyekuwa Mkurugenzi wa KMSA, David Gikungu aliwaomba Wakenya radhi kwa mkanganyiko kuhusu utabiri, lakini akasisitiza umuhimu wa kujiandaa kwa mvua nyingi. Mvua ilizofuata ilisababisha maafa makubwa. Kufikia Desemba 20, 2023, mafuriko ya mvua ya El Niño yalikuwa yamesababisha vifo vya watu wasiopungua 174 na zaidi ya watu 500,000 kuhama makazi yao, kulingana na Ofisi ya Umoja wa Mataifa ya Kuratibu Masuala ya Kibinadamu (OCHA). Kaunti 38 kati ya 47 ziliathiriwa na mafuriko baada ya mito kuvunja kingo, mafuriko ya ghafla na maporomoko ya ardhi. Maeneo yaliyoathirika zaidi yalijumuisha Mandera, Garissa, Tana River, Wajir, Isiolo na Meru. Mtaalamu wa hali ya hewa, Fred Njehu wa Greenpeace Africa alisema utabiri wa kisayansi hutegemea hali na mifumo ya kihistoria, ambayo inaweza kubadilika kadri hali ya hewa inavyoendelea. "Utabiri wa matukio makali ya hali ya hewa huwa si sahihi kwa asilimia 100," alisema. Alieleza kuwa utabiri wa mvua nyingi haumaanishi kila kaunti itakumbwa na mafuriko, wala kuchelewa kwa mvua hakumaanishi tahadhari iliyotolewa awali haina umuhimu. Njehu alisema badala ya viongozi na wataalamu kubishana kuhusu nani aliye sahihi, wanapaswa kuangazia ushahidi wa kisayansi na hatua za kujiandaa. Alisema taasisi za kisayansi zina wajibu wa kutoa ushauri kuhusu hatari za hali mbaya ya hewa, huku viongozi wa kisiasa wakitarajiwa kuhakikisha kuna fedha, sera na mipango ya kukabiliana na majanga. Kaimu Mkurugenzi wa KMSA Edward Muriuki alisema El Niño hutokana na ongezeko la joto la maji ya bahari katika maeneo ya kati na mashariki mwa Bahari ya Pacific, jambo linaloweza kubadilisha mifumo ya hali ya hewa duniani. Shirika la Hali ya Hewa Duniani (WMO) limesema kuna uwezekano wa karibu asilimia 100 wa El Niño kuendelea hadi Februari 2027. Shirika hilo linaonya kuwa huenda ikawa mojawapo ya matukio makubwa zaidi tangu 1950. Hata hivyo, athari zake hutofautiana kulingana na maeneo na mifumo mingine ya hali ya hewa. Bw David Samoei wa Kituo cha Kitaifa cha Operesheni za Kukabiliana na Majanga alisema serikali sasa inalenga maandalizi ya msimu wa mvua ya Oktoba, Novemba na Desemba badala ya kubishana iwapo mafuriko yatatokea. "Hatuzungumzi tena kuhusu iwapo kutakuwa na mafuriko. Tunachojadili ni hatua tunazopaswa kuchukua katika msimu wa Oktoba, Novemba na Desemba," alisema. Serikali imesema imeanzisha uratibu wa mashirika mbalimbali kutathmini hatari na kupanga hatua za kukabiliana na mafuriko. Pia, mazoezi ya kujaribu mifumo ya uokoaji yanafanywa ili kubaini mapungufu. Wataalamu wanasema mamlaka ya hali ya hewa inapaswa kueleza mabadiliko ya utabiri kwa uwazi, huku serikali ikiwekeza katika wataalamu, teknolojia, ukusanyaji wa data na ufadhili wa kutosha. Wanasema mawasiliano bora kati ya wataalamu, wanahabari na viongozi ni muhimu ili wananchi waelewe tahadhari na kuchukua hatua mapema.
read more
kahawatungu.com
@kahawatungu Fri, 09 Oct 2026 19:04:57
Elon Musk vs. Mukesh Ambani: The Real Reason Starlink Isn't in India Yet
On October 9, 2026, Elon Musk posted a letter on X addressed to Prime Minister Ambani. The sarcasm was not subtle. Mukesh Ambani is not Indias Prime Minister. He is the chairman of Reliance Industries, Indias second richest man, and the force behind Reliance Jio, the countrys largest telecom operator. Musks message was a direct [...] The post Elon Musk vs. Mukesh Ambani: The Real Reason Starlink Isnt in India Yet appeared first on Kahawatungu.
read morekahawatungu.com
@kahawatungu Fri, 09 Oct 2026 17:57:22
US imposes sanctions on International Criminal Court
The Trump administration has imposed sweeping sanctions on the International Criminal Court (ICC), saying it wants to restrict the tribunals resources and ability to operate. US Secretary of State Marco Rubio said the measures which include a ban on US entities making transactions with the ICC were intended to defend US sovereignty and [...] The post US imposes sanctions on International Criminal Court appeared first on Kahawatungu.
read moreRight Column Content