Starlet Wahu attacked me with a knife after I failed to pay her Sh50,000, murder suspect claims

Murder suspect John Matara now claims he was brutally attacked by the deceased.

Opinion polls: Strict standards guiding their publication, and what to believe

The Publication of Electoral Opinion Polls Act requires several disclosures by anyone releasing...

What can a 'Twar' teach us about African unity?

Keep the banter but turn the shared audit into demands we can pursue together.

KRA seizes massive 46,300 tonnes of smuggled sugar in October alone

The consignment has an estimated tax implication of about Sh9.73 million.

Why Ebola survivors need semen testing

Doctors recommend male Ebola survivors use condoms or abstain from sex, including oral sex.

Sakaja's Sh125bn question: Is Nairobi working?

Four years on, the capital does not seem to be working as Sakaja promised.

Accidents, bread and boda boda: Dirty tricks of Kenya's marijuana networks

The evolution of cannabis trafficking beyond localized street-level peddling.

Young Turks, old guard and experts: Clash over best candidate to face Ruto

Opposition field already crowded even before parties embark on picking single presidential...

FKF Premier League: Six players to watch this season

After a two-month delay, the 2026/27 season officially kicks off on Saturday.

Father, uncle battle for custody of two children after their mother's death

The uncle filed the application in October 2025, after his sister died 2024.

Ebola: This is how you do it, Duale

Aden Duale's story on the first recorded case of Ebola in Kenya is weak and incomplete.

How child marriage steals Kenyan girls' childhoods and futures

Stories of girls who escaped early marriage show why investing in education can transform lives.

Can Safari Sevens regain its lost allure?

The tournament once touted as the premier sevens rugby competition in Africa.

NMG CEO Geoffrey Odundo: Raila's public life shaped Kenya's national conversation

Ruto: Kenya is too modern, complex and sophisticated to be run by a 'fool'

DP Kindiki: We will not allow the country to be ruled by terror gangs

Multiple Feared Dead After Lorry Rams Into Vehicles, Boda Boda Riders

According to witnesses, the accident left a trail of destruction, with several vehicles badly damaged and nearby businesses reportedly affected.

Wamunyoro Texas iliyopo Amerika ni mali yangu, Gachagua

KIONGOZI wa chama cha Democracy for Citizens Party (DCP), Rigathi Gachagua, amethibitisha kuwa ranchi iliyopo jimbo la Texas nchini Amerika ambayo imezua mijadala mitandaoni ni mali yake binafsi na kwamba ataishi hapo kwa siku 15 zaidi baada ya kukamilisha ziara yake ya kisiasa nchini humo. Bw Gachagua, aliondoka Kenya mnamo Agosti 26, anatarajiwa kuhitimisha ziara yake ya siku 50 nchini Amerika mjini Boston mnamo Oktoba 10. Hata hivyo, badala ya kurejea nyumbani mara moja, ataelekea katika ranchi hiyo kwa kile chama chake kimetaja kuwa ni mkutano maalum wa kupanga mikakati ya kisiasa kuelekea uchaguzi mkuu wa mwaka 2027. Ranchi hiyo ilivutia hisia za umma mwishoni mwa Septemba baada ya Mbunge wa Mumias Mashariki Peter Salasya kusambaza picha na video mitandaoni akiwa pamoja na Bw Gachagua katika eneo hilo. Akizungumzia kuhusu mali hiyo, Bw Gachagua alisema ranchi hiyo ni yake na akaiita "Wamunyoro Texas", akiilinganisha na makazi yake maarufu ya Wamunyoro nchini Kenya. "Ndiyo, mali hiyo ni yangu. Ni Wamunyoro yangu nyingine ya faragha," alisema. Kauli hiyo inafanana na matamshi aliyotoa Septemba 26 alipokutana na Wakenya wanaoishi Texas. Wakati huo alisema alifurahia wageni kukutana katika makazi hayo badala ya hoteli ili kuunda mazingira ya kifamilia na ya karibu zaidi. Picha zilizochapishwa na Bw Gachagua zinaonyesha nyumba kubwa ya ghorofa moja iliyojengwa kwa matofali mekundu, ikiwa katikati ya eneo pana lenye nyasi zilizopambwa vizuri. Pia kuna sehemu za kuketi nje, farasi na ng'ombe wa aina ya Texas Longhorn wanaonekana ndani ya ranchi hiyo iliyozungushiwa ua. Gari dogo la matumizi ya ndani ya ranchi pia linaonekana likiwa na maandishi "Wamunyoro Texas" na "Riggy G". Mbunge Salasya alisema aliguswa na mafanikio ya Gachagua baada ya kutembelea ranchi hiyo. "Nilimwambia natamani siku moja niwe na mali kama hii. Aliniambia siri ni kufanya kazi kwa bidii, kuwa na nidhamu ya kifedha na kumwamini Mungu," alisema. Kwa mujibu wa Kaimu Katibu Mkuu wa DCP, John Methu, Bw Gachagua amezuru miji mitano tofauti tangu aanze shughuli za kisiasa nchini Amerika. Baada ya kupumzika kwa siku kumi, alifanya mikutano Spokane, Washington, Portland, Oregon, Kansas City, Missouri na baadaye Texas kabla ya kuelekea Boston. Methu alisema kipindi atakachotumia katika ranchi hiyo kitahusisha mikutano na washirika wa kisiasa, wataalamu na marafiki wa kimataifa kujadili mikakati ya chama hicho. Masuala yatakayojadiliwa ni pamoja na ujenzi wa miungano ya kisiasa, uteuzi wa mgombea wa pamoja wa urais dhidi ya Rais William Ruto mwaka 2027 na mapendekezo ya kufufua uchumi wa Kenya. Miongoni mwa mapendekezo hayo ni kupunguza kutegemea mikopo, kuunganisha mashirika ya umma, kupanua wigo wa kodi na kuongeza mapato ya serikali za kaunti. Mratibu wa DCP nchini Amerika, Joseph Warui, alisema mikutano hiyo pia itatumika kutathmini zaidi ya vikao 80 vya umma na vya faragha ambavyo Bw Gachagua amehudhuria wakati wa ziara yake. Aliongeza kuwa washiriki watajadili hali ya uchumi, haki za binadamu na mustakabali wa kisiasa wa Kenya. Hata hivyo, tarehe rasmi ya kurejea kwa Bw Gachagua nchini Kenya bado haijatangazwa. Chama chake kimesema taarifa hiyo itatolewa baadaye baada ya kukamilika kwa shughuli zote alizopanga nchini  humo.

Madaktari, wauguzi waliohudumia mgonjwa wa Ebola waeleza sababu ya kukataa karantini

MADAKTARI na wauguzi wanane waliomhudumia mgonjwa wa kwanza wa Ebola nchini Kenya wameeleza wasiwasi wao kuhusu hatua ya kupelekwa karantini katika jengo lile lile la hospitali ya Nairobi Hospital ambako mgonjwa huyo alitibiwa na baadaye kufariki dunia. Katika taarifa ya pamoja, wahudumu hao wa afya walisisitiza kuwa hawapingi maagizo ya karantini wala ufuatiliaji wa kiafya unaohitajika kufuatia kisa hicho. Hata hivyo, wanahoji utaratibu unaotumika kwa sasa wakisema hauzingatii viwango tofauti vya hatari ya maambukizi kwa watu waliohusika. Kwa mujibu wao, kila mtu aliyewasiliana na mgonjwa huyo anaonekana kushughulikiwa kana kwamba alikuwa katika kiwango sawa cha hatari ya kuambukizwa virusi vya Ebola, jambo ambalo wanasema si sahihi kimatibabu. "Tunaelewa uzito wa kisa hiki na tunakubali kushirikiana kikamilifu na hatua za kulinda afya ya umma. Hata hivyo, tunataka tathmini ya hatari ifanywe kulingana na kiwango halisi cha kila mtu," walisema. Wahudumu hao walifichua kuwa mwanzoni waliarifiwa kuwa wangekamilisha siku 21 za ufuatiliaji na kujitenga nyumbani chini ya usimamizi wa Wizara ya Afya. Baadaye, hata hivyo, walipewa maagizo ya kuhamia katika jengo la East Wing la Hospitali ya Nairobi ili kuendelea na karantini yao. Walisema jengo hilo ndilo lililotumika kumhudumia mgonjwa wa Ebola kabla ya kifo chake, jambo ambalo limezua maswali kuhusu usalama wao. "Tungependa kujua kama eneo hilo limesafishwa kikamilifu na kuthibitishwa rasmi kuwa salama kwa matumizi. Pia tunataka kufahamu sababu za kitaalamu zilizosababisha eneo hilo lichaguliwe kuwa kituo cha karantini," walieleza. Kwa mujibu wa Wizara ya Afya, mgonjwa huyo awali alitengwa katika chumba maalum ndani ya kitengo cha dharura kabla ya kuhamishwa kituo cha East Wing. Nairobi Hospital  imesema kituo hicho kiko mbali na majengo mengine ya hospitali, kina lango lake maalum na wafanyakazi wake wa kujitegemea. Hata hivyo, wahudumu hao wanasisitiza kuwa walimhudumia mgonjwa huyo wakiwa wamevaa vifaa vyote vya kujikinga vinavyopendekezwa katika visa vya Ebola. Aidha, hakuna aliyeripoti kuwa na hitilafu kwenye mavazi hayo ya kinga wala kuhusika katika mtagusano wa moja kwa moja usio na kinga. Kwa msingi huo, wanataka tathmini ya kibinafsi ya hatari ifanywe kwa kila mhudumu badala ya kuwekewa viwango sawa na watu waliokuwa na mtagusano wa karibu na mgonjwa bila vifaa vya kujikinga. Walinukuu miongozo ya Shirika la Afya Duniani (WHO) inayotaka wahudumu wa afya wanaohusika katika matibabu ya wagonjwa wa Ebola kutathminiwa kulingana na kiwango halisi cha hatari ya kila mmoja. Miongozo hiyo inaeleza kuwa wahudumu waliokuwa na vifaa sahihi vya kujikinga hawapaswi kuchukuliwa sawa na watu waliokutana na mgonjwa bila kinga. "Kuwa karibu na mgonjwa pekee si kipimo sahihi cha hatari. Kinachopaswa kuangaliwa ni aina ya mtagusano  na matumizi ya vifaa vya kujikinga," walisema. Pia wamepinga uwezekano wa kuwekwa pamoja katika karantini na watu waliotangamana  zaidi na mgonjwa huyo. Kwa maoni yao, wahudumu waliotumia mavazi kamili ya kinga hawapaswi kushughulikiwa sawa na watu waliokuwa na mtagusano wa moja kwa moja bila ulinzi wa kutosha. Iwapo karantini ya taasisi itaendelea kutumika, wanapendekeza watu watenganishwe kulingana na viwango vya hatari walivyokumbana navyo. Pia wanataka kila mhusika apewe chumba chake binafsi chenye choo, huduma bora za matibabu, chakula cha kutosha, maji safi na vifaa vingine muhimu. Mbali na hilo, wahudumu hao wanataka usaidizi wa kisaikolojia na ufuatiliaji wa afya  kazini kwa wote waliohusika katika kushughulikia mgonjwa huyo. Wanasema kazi yao iliwaweka katika mazingira  hatari na hivyo wanapaswa kupewa fidia au marupurupu maalum ya mazingira hatari. Katika barua ya ndani ya hospitali hiyo  Oktoba 6, Mkurugenzi Mkuu Dkt Felix Osano alisema wafanyakazi waliotambuliwa kuwa walitangamana na mgonjwa huyo wawasiliane moja kwa moja ili kubaini kiwango cha hatari walichokuwa nacho. Naye Katibu Mkuu wa Chama cha Madaktari, Wafamasia na Madaktari wa Meno (KMPDU), Dkt Davji Atellah, alisema wahudumu wa afya waliokuwa wamevaa vifaa vya kujikinga hawapaswi kuwekwa pamoja na watu waliotagusana moja kwa moja na mgonjwa bila kinga. Alisisitiza kuwa madaktari na wauguzi waliokuwa mstari wa mbele katika kuokoa maisha ya mgonjwa huyo wanastahili kulindwa na kupewa mazingira salama wakati wa karantini. Hata hivyo, Dkt Atellah alisema watu wanaotambuliwa kuwa katika hatari ya kuambukizwa Ebola wanapaswa kufuatiliwa kwa karibu ili kuzuia uwezekano wa kusambaza maambukizi kwa wengine.

Ebola contact nightmare: Why tracing Patient Zero can become national disaster

Health experts are warning that gaps in Ebola contact tracing and border surveillance could allow further infections, urging Kenya to strengthen monitoring and prepare for a wider outbreak.